E ASÍ REMATAMOS O ANO...

 Dende o equipo de biblioteca queremos dar a GRAZAS a todas as familias que ao longo deste primeiro trimestre compartiron con nós algunha das nosas actividades nas tardes de biblio.

Voltamos en xaneiro coas pilas recargadas!!!!!

Recomendacións lectoras Nadal

Recomendacións xoguetonas para o Nadal

ASÍ FORON AS TARDES DE NOVEMBRO NA NOSA BIBLIO

 

MAGOSTO 2024

 No Magosto, ademais de gozar das castañas e dos xogos tamén gozamos coa música.

Aquí podedes ver unha canción creada polo alumnado do noso cole.

25N - DÍA INTERNACIONAL DA ELIMINACIÓN DA VIOLENCIA CONTRA A MULLER

Velaí tedes un resumo do acto de hoxe para conmemorar o 25N, vencellando o día ao noso PDI...decidimos percorrer "O noso camiño cara o bo trato".

RECOMENDACIÓNS LECTORAS para o 25N:

Lecturas Contra A Violencia De Xénero

Leer más publicaciones en Calaméo

20 DE NOVEMBRO - DÍA INTERNACIONAL DOS DEREITOS DA INFANCIA

 

20 De Novembro Dereitos Da Infancia

Leer más publicaciones en Calaméo

Magosto con 3º EP

Os nenos e nenas de 3ºEP nos presentan un concurso onde aprenderemos moitas cousas das castañas

O MAGOSTO NO CORDO PARTE II

 Grandes e pequenos gozando dunhas das mellores tradicións que seguimos conservando, xogos cos maiores como profes, degustación de castañas asadiñas ao lume e baile...que máis podíamos pedir!!

O MAGOSTO NO CORDO!!

Xa está aquiii!! Xa se pode sentir o cheiro das castañas asadas!! O Magosto chegará ao Cordo o vindeiro martes 12 de novembro. Mirade que cartel máis chulo fixo Curicuxa para anunciar esta festa. 

Que ben o imos pasar!

Aquí tedes algún recurso para saber máis sobre o MAGOSTO. 

Tardes de novembro na Biblio!!!

Recomendacións lectoras de novembro

FESTEXANDO O SAMAÍN

 

Lecturas para pasar un samaín de medo!!

O SAMAÍN XA ESTÁ AQUÍ!!

 RECURSOS

    A HISTORIA DO SAMAÍN

MÚSICA

Dia das bibliotecas escolares

Día das bibliotecas escolares

Leer más publicaciones en Calaméo

Día das escritoras!!!!

18 Oct Escritoras

Leer más publicaciones en Calaméo

Buscamos voluntarios para a Biblio!!!!

CLUBES DE LECTURA

Un ano máis comezamos os nosos Clubes de Lectura. Este ano súmanse tamén os máis peques do cole. Polo tanto crearánse 7 Clubs de Lectura organizados por idades. O alumnado de infantil, 1º e 2º participarán nun club mixto coas súas familias. Abrimos as inscripcións. ANIMÁDEVOS A PARTICIPAR!

AS BIBLIOTECAS ESCOLARES SAEN A ESCENA

O cartaz que acompañará as bibliotecas escolares de Galicia neste curso "Representa unha obra teatral do poema de Xohana Torres "Eu tamén navegar", no que Penélope (da Odisea) deixa o tapiz que traballa e desfai e sae a vivir aventuras. Despois ao regreso remata o tapiz engadíndolle novos elementos da súa viaxe (o tapiz que hai detrás da nena que está a leer a obra teatral)" segundo indica a súa autora, a ilustradora e muralista Xoana Almar PENÉLOPE DECLARA o oráculo: «QUE á banda do solpor é mar de mortos, incerta, última luz, non terás medo. QUE ramos de loureiro erguen rapazas. QUE cor malva se decide o acio. QUE acades disas patrias a vindima. QUE amaine o vento, beberás o viño. QUE sereas sen voz a vela embaten. QUE un sumario de xerfa polos cons.” Así falou Penélope: “Existe a maxia e pode ser de todos. ¿A que tanto novelo e tanta historia? EU TAMÉN NAVEGAR.» Torres, Xohana (1992). Tempo de ría. Espiral Maior Unha imaxe enraizada no cartelismo galego que abre as portas a traballar o teatro en todas as súas variantes. As nosas bibliotecas escolares saen a escena para ler, interpretar, radiar, escribir e gozar co TEATRO. FONTE: BIBLIOTECAS ESCOLARES (https://www.edu.xunta.gal/biblioteca/blog/)

Obradoiros 2024-2025

Este ano poñemos en marcha unha nova aventura... Comezamos obradoiros creativos internivel. Unha vez por semana facemos...diversas actividades como horto, radio, experimentos, xogos de mesa, costura, primeiros auxilios, xogando coa lingua, argallando co inglés, atando a lingua e diversidade.

NO CORDO, GALICIA ACTÚA

BENVID@S AO CURSO 2024-2025!!!

CELEBRAMOS AS LETRAS GALEGAS CON MONICA DE NUT

 Para homenaxear a Luisa Villalta contamos con Mónica de Nut, nai dunha alumna do cole, e profesional do canto. Coa compaña dos poemas de Luísa viaxamos polo mar, guiados polo son dunha caracola e a voz de Mónica. Foi unha xornada moi especial. Grazas!!

HOMENAXE A LUÍSA VILLALTA NA RADIO DO COLE

Neste curso estreamos a radio no noso cole, e ... que mellor inauguración que facer un programa sobre a vida e obra de Luísa Villalta?  Pois así foi, e para conmemorar o Día das Letras Galegas, o alumnado de Infantil e Primaria puxéronse diante dos micrófonos e, como verdadeiros profesionais elaboraron este programa.  Foi unha gran experiencia  e de seguro que detrás de este programa van vir moitos máis. Deixamos aquí o noso podcast para que poidades gozar do gran traballo feito. 

DÍA DO LIBRO 2024

Este ano para celebrar o Día do Libro, entre outras actividades, elaboramos este vídeo sobre os Xogos Olímpicos. Fixémolo a modo de "carreira de remudas", onde o testemuño era unha pregunta enviada dunha aula a outra para investigar e aprender curiosidades sobre o tema que estamos traballando este ano no PDI. Para a procura da información, a nosa mascota da Biblio, Curicuxa, deixounos un libro : "Os superpreguntóns nos Xogos Olímpicos". Que ideas máis chulas ten Curicuxa ;-)

 Aqui tedes o resultado. Agardamos que vos guste!!

LETRAS GALEGAS 2024: Luisa Villalta

2 de ABRIL: DÍA DA CONCIENCIACIÓN DO AUTISMO

O 2 de abril celébrase o Día Mundial da Concienciación sobre o Autismo co fin de aumentar a sensibilización sobre o trastorno do espectro autista (TEA) e promover a inclusión das persoas con autismo na sociedade. A razón principal desta data é destacar a necesidade de entender mellor o autismo, combater o estigma e a discriminación, e promover a inclusión e igualdade de oportunidades para as persoas con TEA.

A elección do 2 de abril para esta celebración foi establecida pola Asamblea Xeral das Nacións Unidas en 2007. Este día foi seleccionado para honrar a todas as persoas con autismo en todo o mundo e para destacar a importancia de mellorar a súa calidade de vida. É unha oportunidade para unirse como comunidade e traballar xunts para crear conciencia sobre o autismo e promover unha sociedade máis inclusiva e comprensiva. Durante esta xornada, organizanse eventos, actividades e campañas en todo o mundo para educar e sensibilizar á poboación sobre o autismo e para promover a aceptación e o apoio ás persoas con TEA e as súas familias.

Convídanos a ver estas curtametraxes marabillosas.

"ACADEMIA DE ESPECIALISTAS"

 

"MI HERMANITO DE LA LUNA"

  

"EL VIAJE DE MARÍA"

 

¨LOOP"

 

Neste vídeo podedes ver un traballo sobre autismo realizado hai 10 anos por Aroa, Tarikwa e Xela,  alumnas de 4º  de este colexio.  Miguel Gallardo, autor das curtametraxes "Academia de Especialistas" e "El viaje de María" era un ilustrador, debuxante e pai de María, unha nena con TEA co que se puxeron en contacto as nosas alumnas para facerlle preguntas sobre o tema. Foi moi amable e respostou as súas mensaxes, ademais de enviarlles material sobre TEA. Queremos adicarlle este vídeo, xa que nos deixou hai xa dous anos, en febreiro de 2022.

 

RETO 21: CANTAMOS O HIMNO GALEGO TODXS XUNTXS

 

RETO 20: LEMOS POESÍA EN GALEGO

 

E seguindo coas árbores, animámosvos a que recitedes poemas nos que as protagonistas son as árbores. 

Aquí vos deixamos unha ligazón cunha escolma de poemas galegos acompañados de fermosas fotografías. 

RETO 19: BUSCAMOS UNHA ÁRBORE EN GALEGO

 

Esta semana, concretamente o día 21, celebraremos o Día Mundial da Árbore. Pedímosvos como reto que traiades ao cole o nome dunha árbore en galego. Hai moitas!!!

RETO 18: COMPARTIMOS UNHA CANTINELA PARA BOTAR AS SORTES

 

Aquí tedes unha páxina para consultar as cantinelas.

Aquí tedes un vídeo no que podedes ver como se fan os sorteos para xogar.

Reto 16 e 17: Cine en familia “VALENTINA”

Valentina soña con ser trapecista, pero cre que nunca poderá conseguilo por ter síndrome de Down. A súa avoa —que lle ensina a xogar ao xadrez e un montón de cancións— anímaa sempre a perseverar: Si os vermes conseguen converterse en bolboretas, nada é imposible. Nunca debemos perder a ilusión nin as gañas de aprender; mírame a min, eu aínda estou decidida a ser directora de orquestra algún día!

Pero Valentina non está moi convencida, pensa que un verme é demasiado noxento para converterse en bolboreta… Como será esa metamorfose da que fala a avoa? Cando se dispón a preguntarllo, Papá e Mamá danlle unha desconcertante noticia: a Avoa foise de viaxe. De viaxe? Sen se despedir?!

Aquí tedes a ligazón para vela en galego

Reto 15: CONTAMOS/LEMOS CONTOS EN GALEGO

 

Reto 14: Aprendemos a segunda estrofa do himno galego

 

RETO 13: Bailamos a muiñeira con Luis, Chasua e Davinia

Sabías que?

 A muiñeira é unha danza folclórica galega de ritmo rápido. A súa orixe é  discutida, pero comunmente afírmase que foi nos muíños onde se moían o trigo e máis o millo onde naceu este baile; dado que as mulleres que traballaban alí tiñan que esperar algún tempo a que o millo estivese a punto, e para pasar o tempo de bailaban.

RETO 12: Xogos de roda e movemento

 

 MIGALLAS enséñannos algúns xogos para que o aprendamos e despois poidamos xogar nos recreos.

RETO 11: REFRÁN

 

RETO 9 e 10: Receita en familia

 

8M: día da MULLER: DEPORTISTAS GALEGAS

O 8M temos moito que celebrar. É o día da muller traballadora, e dende o cole, aproveitando que estamos a traballar o deporte, queremos homenaxear as mulleres deportistas galegas. E para iso elaboramos un vídeo dándolles a volta a expresións machistas que as quixeron frear nas súas carreiras deportivas, mais non o conseguiron!! Por que?  Porque ás nenas  non hai quen as pare! Ser nena e ser muller é un orgullo!

Aquí tedes acceso a información sobre deportistas galegas

Día 8 de MARZO- Reto 8 : Cantamos e bailamos coa música das Tanxugueiras

 

Día 7 de MARZO- Reto 7: Aprendemos a primeira estrofa do Himno galego.

 

6 de MARZO- Reto 6: Contamos chistes na clase

 

Aquí podedes atopar chistes en galego: 

https://lopedeblogue.blogspot.com/2013/04/en-galego-con-humor_21.html

5DEMARZO- Reto 5: PALABRAS FERMOSAS

 

ASÍ CELEBRAMOS O DÍA DE ROSALÍA DE CASTRO

Para celebrar o día de Rosalía de Castro elaboramos distintas viñetas coa vida da poeta e puxémoslles voz da man do alumnado voluntario da Biblioteca e demais alumnado do colexio. 

As nenas e nenos de 2º e 6º de Primaria recitáronlles e cantáronlles poemas ao alumnado de Infantil e 1º. Durante toda a semana homenaxeamos a Rosalía nas nosas aulas a través dos seus poemas, recitados ou cantados e de outras actividades que realizamos sobre a súa biografía e a súa obra. 

Cada ano encántanos celebrar a data do seu nacemento, aínda que Rosalía está presente tódolos días nas nosas aulas. 

CALENDARIO 21 DÍAS EN GALEGO

 

Este é o calendario coas actividades que iremos facendo tanto no colexio coma nas casas. 

Aquí vos deixamos a música que soará no patio durante estes días. Agardamos que vos guste. 

AQUÍ PODEDES ACCEDER A CANCIÓNS EN GALEGO

4 de MARZO- Reto: ADIVIÑA, ADIVIÑANZA.

Para este reto  toca traer ao cole unha adiviña para compartir coas compañeiras e compañeiros. 

Aquí tedes páxinas onde podedes atopar moitas en lingua galega. 

ADIVIÑAS POPULARES

ADIVIÑAS 1

 ADIVIÑAS 2

ADIVIÑAS 3

ADIVIÑAS ENCADEADAS

2 e 3 de MARZO: Reto en familia

 SEGUIMOS!!!... O FIN DE SEMANA NAS NOSAS CASAS!!

Sabemos que o xogo ten moitos beneficios nas vidas das crianzas, e se se poden facer nun entorno familiar, no que se fagan partícipes ás persoas coas que conviven, aínda mellor. 

Por iso propoñemos para este fin de semana algúns momentos de xogo , nos que ademais vos animedes a utilizar a lingua galega. 

Compartimos algúns vídeos e páxinas de xogos, para que pasedes uns intres divertidos.

A xogar... en galego!!!

BRINCADEIRAS DA LINGUA (XOGOS TRANQUILOS)

TABÚ EN GALEGO

XOGOS TRADICIONAIS GALEGOS

XOGOS CON BARALLAS E MATERIAL QUE TEMOS NAS CASAS.

DIXITAIS: 

TRES EN RAIA COS BOLECHAS 

XOGOS INTERACTIVOS EN GALEGO

1 de MARZO-Reto 1: Poñemos a lingua en marcha!

COMEZAMOS !!!

Cancións para asemblea:

Os dias da semana de MAMÁ CABRA

Os meses do ano MAGIN BLANCO

CANCION DOS DEDOS DA MAN (vale para pasar lista)

OS DÍAS DA SEMANA

CANCIÓN DOS BOS DÍAS EN LINGUAXE DE SIGNOS

 

21 DÍAS EN GALEGO

O pasado 23 de febreiro celebramos un ano máis o Día de Rosalía de Castro, mais este ano, no que o noso PDI é sobre os Xogos Olímpicos, a nosa poetisa quixo  pasarnos o testemuño da lingua, para percorrer con él un maratón de 21 días: 21 DÍAS EN GALEGO.

Ao longo destes días iremos propoñendo divertidos retos, actividades para realizar en familia e na escola , accións e  xestos sinxelos que incorporaremos ás nosas vidas diarias dándolle un sitio á lingua galega, a nosa lingua. 

 O proxecto comezará o día 1 de marzo e finalizará o 21 .

 

 

 (Por que 21 días? Según o psicólogo William Jame requírese un proceso de 21 días para crear un hábito. A mestra Pilar Ponte do IES da Pobra do Caramiñal comezou "21 días en galego" no ano 2013.)

23 DE FEBREIRO: DÍA DE ROSALÍA

  

 

 

 

 

 

 

 

 

Un ano máis celebraremos o Día de Rosalía, o 23 de febreiro. Aquí vos deixamos páxinas con recursos para que poidades coñecer un pouquiño máis á nosa poetisa e escritora. Agardamos que vos gusten.

 Os Bolechas e Rosalía

 

Recursos Día De Rosalía 2024 Calameo

Publish at Calameo

Ud Rosalía. Ed. Infantil

 

Ud Rosalia 1. Imos bebendo

Publish at Calameo

Nesta  páxina podedes atopar máis recursos sobre Rosalía

Se premedes nestas ligazóns atoparedes ESCOLMAS DE POEMAS de Rosalía.

 

 

 

 Cantamos a Rosalía

ENTROIDO NO CORDO

 

 Xa estamos no Entroido, e para iso Curicuxa tróuxovos recursos e materiais para ir traballando nas vosas aulas.

 

 

Aquí vos deixo algunhas ligazóns con materiais.

Nesta primeria ligazón atoparedes información sobre o Entroido tradicional galego, unha festa considerada de interés turístico. 

 

Nesta páxina podedes atopar unha chea de recursos tanto para Infantil coma para Primaria. Tedes un libriño con 5 personaxes tradicionais de Entroido de distintas partes da xeografía galega. 

Aquí tedes máscaras tradicionais do Entroido galego.

 

Nesta ligazón podedes descargar unha Unidade Didáctica do Entroido.
 

 

 

 

Aquí tedes cancións de Entroido, para cantar e bailar.