DÍA 1 : COMEZAMOS A SAUDAR EN GALEGO!!

 

MAÑÁ COMEZAMOS 21 DÍAS CO GALEGO!!!!

Ola nenas e nenos!!

Maña sábado comezamos, por terceiro ano consecutivo, a iniciativa “21 días co galego” no noso cole. Tras a experiencia do ano pasado, no que realizamos o formato oficial, este curso retomamos esta proposta con moita ilusión.

A actividade desenvolverase do 25 de abril ao 15 de maio, coincidindo a clausura coa celebración da II Romaría do cole. O noso principal obxectivo é fomentar o uso da lingua galega en toda a comunidade educativa, implicando tanto ao alumnado como ás familias.

Nesta edición, queremos facer unha homenaxe a Begoña Caamaño, figura homenaxeada nas Letras Galegas 2026, achegándonos á súa vida e á súa obra.

Ao longo destes 21 días propoñeranse retos diarios sinxelos e divertidos, coa intención de que todos e todas participen, se entreteñan e, sobre todo, aproveiten para comunicarse en galego no seu día a día. E tamén para coñecer un pouquiño mellor a Begoña, e animar ás familias a ler a súa obra. 

Animámosvos a formar parte desta experiencia e a facer do galego unha lingua viva, compartida e presente en cada momento.

RECOMENDACIÓNS LECTORAS DÍA DO LIBRO

 Aquí vos deixamos as RECOMENDACIÓNS LECTORAS que nos deixa o equipo de Biblioteca neste 23 de ABRIL - DÍA DO LIBRO.

https://drive.google.com/file/d/1tqnzO4DR2LfpN27GY5N1_12f_w9N3bVV/view?usp=drive_link

23 DE ABRIL - DÍA DO LIBRO

 Hoxe 23 de abril conmemoramos o DÍA DO LIBRO a nivel mundial co obxectivo, entre outros, de fomentar a lectura; é unha celebración universal promovida pola UNESCO dende o ano 1988.

Nós hoxe queremos aportar o noso gran de area con este podcast realizado polo alumnado de 2º A de primaria!!

Agardamos que vos guste!!!!!

https://www.ivoox.com/player_ej_172451094_6_1.html

DÍA DA SAÚDE - 7 DE ABRIL

Dende que no ano 1946 foi proclamada  por parte de 61 membros das nacións unidas a OMS, cada 7 de abril e dende 1950 conmemoramos O DÍA DA SAÚDE xa que esta é un dereito básico e universal e todos deberiamos poder acceder a unha atención sanitaria de calidade.

Neste 2026 e baixo o lema " Xuntos pola saúde, apoiemos a ciencia" continúase con esta conmemoración e dende o Cordo sumámonos con esta pequena aportación de mans do alumnado de 5ºB de infantil.

Agardamos que vos guste!!!

https://www.ivoox.com/player_ej_172002641_6_1.html?c1=e42c2c%22

8M

 Ondiñas no Cordo segue a pleno rendemento, para a nosa conmemoración do 8M fomos un paso máis alá e este foi o resultado, a nosa particular Ruta de Mulleres de Bandeira. Primeiramente levouse a cabo un proceso de acceso á información visitando a nosa biblioteca para indagar a fondo a través de diversas fontes de información. Finalmente deixamos pola vila voces de nenos e nenas que contan historias de grandes mulleres. Se as escoitas...elas falan.

Escaneando os QR de cada un dos carteis que se atopaban nos diferentes establecementos que se indican no mapa poderedes escoitar as historias que nos contan. Para quen non puido facer a ruta aquí vos deixamos a oportunidade de escoitar as historias destas marabillosas mulleres que abriron camiño!!

Mulleres De Bandeira, Mulleres Que Abren Camiño

Leer más publicaciones en Calaméo

21 DE MARZO - DÍA DA POESÍA E O SÍNDROME DE DOWN

Hoxe LIBERAMOS POEMAS, despois dun importante traballo nas aulas preparando pareados marabillosos e reforzando a escritura en verso, colocámolos  na gaiola dos poemas, e hoxe...liberamos e compartimos os nosos poemas, uns poemas diferentes, escritos sobre un pergamino de calcetín para non esquecer que cun cromosoma máis ou cun menos todos somos igual de importantes, como vimos proxectado no conto que o alumnado de 1ºA preparou e grabou para todos nós polo día das persoas con discapacidade, "O conto do elefante".

E para culminar este día de conmemoracións, alumnado do terceiro ciclo alucinounos cunha regueifa escrita e interpretada por eles onde non se esqueceron de ningunha das datas importantes a conmemorar lembrándonos a todos que o día da árbore, o día en contra do racismo, o día do síndrome de down o e da poesía, deben de ser nomeados!!!

ANIMACIÓN Á LECTURA

Hoxe recibimos a visita de Antía Yáñez, unha xornada de reforzo do fomento da lectura onde o alumnado de 3º ciclo puido meterse máis de cheo e en primeira persoa nas fantásticas historias xa lidas, da man da propia autora. Unha xornada diferente onde a lectura foi a protagonista.

17 DE MARZO- DÍA DO CÓMIC

Aproveitando esta data que se estableceu como "Día internacional do cómic", o alumnado de 6º realizou un obradoiro de escritura creativa para iniciarse no mundo da creación da banda deseñada... puxéronlle tantas ganas e empeño que o resultado vai directo ao concurso "A viaxe de gotiña" (https://www.depo.gal/es/-/concurso-escolar-a-viaxe-de-gotina), que sairá de aquí?.....agardamos velo pronto!!!!!!

8 DE MARZO - DÍA DA MULLER

O vindeiro domingo día 8 de marzo conmemórase o Día Internacional da Muller, aproveitamos esta data para homenaxear a mulleres extraordinarias. Unha ocasión para reflexionar sobre os avances conseguidos, esixir cambios e celebrar os actos de valor e decisión de mulleres comúns que teñen desempeñado unha función extraordinaria na historia dos dereitos da muller.

 https://www.ivoox.com/player_ej_169360647_6_1.html?c1=9c44e3%22

23 DE FEBREIRO

Hoxe 23 de febreiro como ben sabedes conmemoramos o día de Rosalía. Nesta ocasión foi o alumnado de 6º de primaria o que elaborou un estupendo traballo sobre ela, a nosa escritora máis universal, que nesta data cumpriría anos e coincidindo co seu aniversario, amosámosvos este fermoso agasallo que nos brindan a toda a comunidade educativa.

Velaí vai!!!!

Aquí vos deixamos tamén o enlace ao podcast en Ondiñas no cordo, a nosa radio, a radio do Cordo, a radio de todos!!!!

https://www.ivoox.com/player_ej_168729419_6_1.html?c1=94c4cc%22

O DÍA DE ROSALÍA: 23 DE FEBREIRO

Un ano máis queremos celebrar O DÍA DE ROSALÍA.

Aquí vos deixamos propostas para traballar.

RRCURSOS DE PIDOPAPAS 

Nesta  páxina podedes atopar máis recursos sobre Rosalía

Se premedes nestas ligazóns atoparedes ESCOLMAS DE POEMAS de Rosalía.

 

CANTAMOS A ROSALÍA