PADRIÑOS LECTORES DE POESÍA

Coincidindo coa semana na que festexamos o día da poesía, as nosas madriñas e padriños lectores fixeron unha visita ao nenos e nenas de infantil cargados cun montón de libros de poesías, rimas... cos que fixeron pasar un anaco moi agradable aos máis peques do cole.

padriños lectores marzo from Audición y lenguaje on Vimeo.

Rosalía de Castro visita as nenas e nenos de 1º e 2º

Celebrando o día de Rosalía de Castro na escola, as nenas e nenos de 1º e 2º tivemos unha sorpresa moi moi emocionante. Sabedes quen nos visitou? Pois síii! nada máis nin nada menos que a mesma Rosalía de Castro.😍
Xa, xa... xa sabemos que non era ela exactamente, pero nós sentímola coma se da propia poetisa galega se tratara. 

Contounos como era de pequena, os seus soños de nena, querendo ser pirata, ou querendo ser escritora, unha gran escritora na que máis tarde se convertiu. E tamén unha gran muller que nos falou de igualdade💪 entre as nenas e os nenos. 

Sabemos que Rosalía defendía a súa lingua, a nosa lingua, e como despedida díxonos que se nós, nenas e nenos seguiamos aprendendo os seus poemas, e recitándoos e cantándoos, nin ela nin a nosa lingua desaparecerían xamais. 

Agradecémoslle a visita cantándolle🎵 un dos seus fermosos poemas "Has de cantar", e a Rosalía parece que lle gustou moito moito. 
Agardamos a súa visita para o vindeiro ano!!! 

Grazas Rosalía💗.