Arrincamos o día das Bibliotecas comenzado a decoración con motivos do PDI "PARA OLÍMPICXS, NÓS", e así de marabillosas quedaron. Curicuxa sempre pasa a visitalas, e sorpréndese da creatividade, imaxinación e traballo ben feito do noso alumnado e profesorado.
Queremos compartir o resultado con toda a comunidade educativa, e aquí vos deixamos o vídeo que preparamos.
O 3 de decembro é o Día internacional das persoas con discapacidade.
Xa hai camiño recorrido dende que en 1962 Ed Roberts foi quen de
matricularse na Universidade de California (Berkley) e iniciou a súa
loita por acadar unha vida independente para as persoas con discapacidade. Trinta anos despois (en 1992) a Asamblea xeral de Nacións Unidas recoñecía o 3 de decembro como o Día internacional das persoas con discapacidade.
Pero aínda queda camiño por recorrer. Aínda existen desafíos e barreiras
que as persoas con discapacidade afrontan todos os días. A inclusión, a participación e a
cooperación son fundamentais para non deixar a ninguén atrás.
Aquí vos deixamos algúns vídeos de animación, na que nos ofrecen diferentes historias de inclusión e superación.
"Mi hermano Luca"
"Por cuatro esquinitas de nada"
"El cazo de Lorenzo"
"Cuerdas"
"Tamara"
Ademais das curtametraxes, queremos compartir algo de música con vós.
Esta canción gústanos moito para a "Hora de ler", e estamos aprendendo a signar a parte do retrouxo.
O Día Internacional da Eliminación da Violencia contra a Muller
conmemórase anualmente o 25 de novembro para denunciar a violencia
que se exerce sobre as mulleres en todo o mundo e reclamar políticas
en todos os países para a súa erradicación.
A convocatoria foi
iniciada polo movemento feminista latinoamericano en 1981, en
conmemoración da data na que foron asasinadas, en 1960,as tres irmás
*Mirabal \(Patria, *Minerva e María Teresa\), na República
Dominicana.
Este ano no colexio decidimos unirnos ao proxecto "Zapatos
vermellos",da artista mexicana Elina Chauvet. O venres 24 de
novembro encheremos a praza da nosa vila de zapatillas deportivas
vermellas co lema é "A nosa meta é cero vítimas",
relacionando a conmemoración coa temática do noso PDI.
Aquí podedes atopar algún material e recursos para traballar na aula.
No Día
Mundial da Infancia celebramos os avances conseguidos, pero sobre
todo é un día para chamar a atención sobre a situación das nenas
e nenos máis desfavorecidos, dar a coñecer os dereitos da
infancia e concienciar ás persoas da importancia de
traballar día a día polo seu benestar e desenvolvemento.
Cando se celebra o Día Mundial da
Infancia?
Nacións Unidas celebra o Día Mundial da Infancia o 20 de
novembro, data na que a Asemblea Xeral da ONU aprobou a Declaración
dos Dereitos do Neno en 1959 . Esta declaración, que non tiña
legalmente carácter vinculante, non era suficiente para protexer os
dereitos da infancia. Tras dez anos de negociacións con gobernos de
todo o mundo, líderes relixiosos, ONG, e outras institucións,
logrouse acordar o texto final da Convención
sobre os Dereitos do Neno, o 20 de novembro de 1989,
cuxo cumprimento é obrigatorio para todos os países que o asinaron.
O obxectivo do Día do Neno é lembrar á cidadanía que os nenos
e nenas son o colectivo máis vulnerable e, por tanto, o que máis
sofre as crises e os problemas do mundo.
Que se celebra?
A Asemblea Xeral da ONU recomendou en 1954 destinar un día
a fomentar a fraternidade entre os
nenos e as nenas do mundo, e promover o seu benestar con
actividades sociais e culturais.
Nacións Unidas celebra este Día Mundial da Infancia en honra á
aprobación da Declaración dos Dereitos do Neno en 1959 e á
Convención sobre os Dereitos do Neno en 1989, o tratado
internacional máis ratificado da historia.
Para que serve o Día Mundial da
Infancia?
Este día mundial lembra que todos os nenos e
nenas teñen dereito á saúde, a educación e a
protección, independentemente do lugar do mundo no que
nazan.
Dedicar un día mundial á infancia tamén serve para facer un
chamamento mundial sobre as necesidades dos máis pequenos e para
recoñecer o labor das persoas que cada día traballan para que as
nenos e nenos teñan un futuro mellor.
Chega o magosto, unha festa tradicional da nosa terra, que ten unha protagonista "estrela"... a castaña!
Celebrámolo no outono, e este ano teremos no cole moitas actividades, xogos, cantigas, poemas, adiviñas, e moito máis, para coñecer mellor esta festa, e tamen para vivila coas compañeiras, compañeiros e o profesorado.
Asaremos castañas, e teremos a dúas castañeiras moi especiais que virán repartilas entre o alumnado. Será unha sorpresa!
Ímolo pasar moi, moi ben!
RECURSOS PARA O MAGOSTO
Se premedes na seguinte imaxe teredes acceso a un cartafol compartido con recursos e materiais para traballar no Magosto.
Hoxe, 24 de outubro, celebramos o Día das Bibliotecas. Este ano o lema é "Tecendo comunidade". Dende o noso colexio queremos colaborar no tecido de redes entre familias, nenas e nenos, mestras e mestres, e outras persoas da comunidade educativa, e por iso comezamos a abrir a nosa Biblioteca polas tardes, durante as gardas do profesorado.
Agardamos que sexades moitas as persoas que visitedes a nosa Biblioteca, un espazo cheo de historias, aventuras, emocións, coñecemento e ilusión, no que os soños medran da man da nosa mascota, Curicuxa.
Polos corredores do noso colexio xa podemos ver algúns libros relacionados co PDI deste ano: "ParaOlímpicxs, nós".
Curicuxa, a nosa mascota da Biblio, puxo o cole patas para arriba este verán, porque estivo á procura de canto libro, conto, revista podía atopar, que tiveran relación co mundo do deporte.
Tamén aproveitou as vacacións para visitar librarías da contorna buscando novos títulos para traer á escola. Mercou algúns exemplares que en breve ocuparán o seu sitio nos estantes do corredor, que aínda locen un pouquiño baleiros.
Así que xa sabedes... agora tócavos a vós abrir eses libros e enchouparvos de aventuras deportivas, percorrer as cidades olímpicas e parolímpicas, coñecer as mascotas dos Xogos, entrenar o voso cerebro coa lectura e moito máis!!
E de seguro que Curicuxa Olímpica vai traer algunha sorpresiña!
Xa temos o noso recanto de "Lecturas terroríficas de outono" , con títulos nos que podemos atopar vampiros, bruxas, esqueletos e monstros. Animádevos e levádeos para clase!
"Ler historias de medo permítelles ás crianzas explorar e comprender as súas propias reaccións de medo nun entorno no que poden controlar ao seu ritmo. Isto resulta moi importante para que sintan que controlan a situación e para que a lectura sexa unha experiencia divertida e gratificante."
Nestas ligazóns podedes atopar material sobre o Samaín.
Comezamos este curso con moita ilusión, desexando reencontrarnos coas nosas compañeiras e compañeiros para compartir sorrisos e xogos, nas aulas e nos patios.
Este curso Curicuxa preparounos unha sorpresa: adicaremos o PDI aos xogos (Para)Olímpicos!! Hai xa catro anos non puidemos rematar este proxecto por mor da pandemia, así que este ano ímolo retomar con moitísimas ganas. Cambiamos Tokio por París, pero seguimos co mesmo espíritu deportivo, dispostxs a ser expertas e expertos neste tema tan interesante.
O lema é "ParaOlímpicxs, nós!" A que vos gusta moito? Ademais, Curicuxa agasallounos cunha medalla olímpica coa imaxe que vedes aquí enriba. Chulísima!!
Pois deste xeito tan deportivo comezamos, saíndo cara a meta que nos conducirá a novas aventuras.
Tódalas nenas e nenos teñen dereito a medrar en familia. Hoxe en día nas nosas aulas contamos cunha diversidade familiar moi ampla: familias tradicionais, monoparentais, homoparentais, adoptivas, acolledoras, reconstituídas, etc. E temos a responsabilidade de darlles cabida a todas e facer que o noso alumnado se sinta incluído, independentemente do modelo familiar ao que pertenzan.
O día internacional da familia xorde da conmemoración do ano internacional da familia, que foi proclamado pola Asemblea Xeral das Nacións Unidas en 1994.
No noso cole adicamos adicamos este mes ás familias, e contamos coa súa colaboración para realizar diferentes actividades con elas.
Aquí tedes as actividades da vindeira semana.
Grazas, familias!!
Aquí vos deixamos algúns contos coas familias como protagonistas.
E aquí tedes un fermoso conto para escoitar : "A MELLOR FAMILIA DO MUNDO".
Para que coñezades un chisco máis o autor do Día das Letras Galegas 2023, Francisco Fernández del Riego, a escritora Eva Mejuto e a ilustradora Lucía Cobo propóñennos unha obra de teatro protagonizada polos obxectos que acompañaron o noso homenaxeado en distintas etapas da vida. Animámosvos a lela e a representala na aula, se vos presta. Vaivos tocar berrar, cantar, bailar...Que mellor maneira de celebrar?
O motivo polo que se elexiu esta data foi porque ese mesmo día no ano 1616 morreron
Miguel de Cervantes, William Shakespeare e o poeta Garcilaso de la Vega. Foi a UNESCO a que elixiu esta data para rendir homenaxe ao libro e ás autoras e autores.
No cole organizamos varias actividades para conmemorar esta data tan importante.
Puxemos en marcha a nosa Bibliotecas sobre rodas no patio.
Visitounos "El Hematocrítico"
Fomos visitar a Biblioteca Municipal
Víctor Rivas agasallounos cun obradoiro de ilustración
Achégase o 8 de marzo, o Día da Muller, e aquí tedes a Curicuxa para propoñervos actividades para celebralo.
Ben sabemos que, como en tódalas conmemoracións importantes, non soamente hai que traballar ese día, senon tódolos días do ano. E nós así o facemos no colexio, cada día aprendemos a a respectarnos, querernos, axudarnos, para de maiores ser unhas boas persoas.
Pero como a Curicuxa lle gusta moito celebrar, aquí vos deixamos algunhas actividades moi interesantes para seguir traballando de cara a igualdade. Agardamos que o pasedes ben!
Esta é a proposta que ten Curicuxa para facer nestes días, xa que o noso PDI é sobre o cine, que mellor que ver algunha película con mulleres como protagonistas??
RECURSOS EN GALEGO PARA TRABALLAR NA AULA
AQUÍ podedes descargar material para Infantil e Primaria .
AQUÍ podedes descargar unha unidade didáctica para Primaria.
CONTOS DE IGUALDADE EN PAPEL
Este é o noso recuncho de lecturas pola igualdade. Dá gusto moverse polos corredores do cole e atopar estes espazos cheos de vida, de aventuras, de historias que nos fan imaxinar e que tamén nos axudan a medrar.
CONTOS PARA VER E ESCOITAR
VÍDEOS PARA ENTENDER MELLOR POR QUE SE CELEBRA ESTE DÍA.
O 23 de febreiro celébrase o Día de Rosalía de Castro, para homenaxear a nosa escritora e poeta galega. Rosalía naceu neste día, no ano 1837. A publicación dunha das súas obras máis coñecidas, Cantares galegos (1863), tamén marcou a data da celebración dun día moi importante para a nosa lingua. Sabes cal é?
Pois si! O 17 de maio, Día das Letras Galegas.
Aquí vos deixamos algunhas actividades para que poidades lembrar a Rosalía, e gozar cos seus poemas.
BIOGRAFÍA
Podedes coñecer a biografía da nosa escritora neste vídeo realizado polo alumnado do CEIP Juan Rey
ACTIVIDADES EN PAPEL
Aquí podedes acceder a UNIDADES DIDÁCTICAS en formato PDF para imprimir.
No ano 2015, a ONUestableceu un Día Internacional para lograr o acceso e a participación na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas.
Lembremos que a ciencia e a igualdade de xénero son obxectivos que a nosa biblioteca escolar está a traballar, a través de diferentes actividades que se impulsan dende a mesma.
Animávosvos a que investiguedes, e a que nunca perdades a curiosidade xa que é o principal motor da vosa aprendizaxe.
Curicuxa quérevos presentar a Sara García Alonso, unha bióloga molecular, que foi a primeira muller española candidata a astronauta na Axencia Espacial Europea. Fai clic na súa imaxe para saber algo máis.