Rosalía de Castro. 150 anos de Cantares Galegos

    De cara á lectura continuada da obra "Cantares Galegos" de Rosalía de Castro do próximo mércores 27, á que están invitados a participar todos aqueles pais e nais que o desexen (entre as 9´15 e as 13´30 horas na Biblioteca do centro), subimos este traballo sobre a súa vida e obra.

Open publication - Free publishing - More education

Taller de corazóns

Este ano atopamos un fermosísimo libro titulado "Taller de corazóns" da editorial OQO, escrito e ilustrado por Arturo Abad & Gabriel Pacheco. Gustounos moito e pensamos en facer algo especial con el para dalo a coñecer entre o noso alumnado e tamén profesorado, pais e nais, por suposto. Grazas á colaboración de Mar, Sofía e Joaquín puidemos facer este traballo. A nosa intención era telo listo de cara ao día dos namorados, pero aínda que cheguemos un pouco tarde agardamos que vos guste.

NORABOA Á EDITORIAL KALANDRAKA

Noraboa á editorial Kalandraka polo premio concedido pola Ministerio de Educación, Cultura e Deporte en recoñecemento da súa labor editorial e cultural.

 Esta editorial tan próxima a nós contribuiu en gran medida á revolución do libro infantil e xuvenil tanto nos seus contidos coma na ilustración. Coa súa aposta por títulos como "O coelliño branco" ou "Os tres bandidos", por citar dous exemplos dos moitos que poderíamos dicir axudaron a creación de novos lectores.

GRAZAS

"Kalandraka iniciou a súa traxectoria editorial o 2 de abril -Día Internacional do Libro Infantil e Xuvenil- de 1998. O panorama da edición en galego presentaba, daquela, algunhas eivas: o álbum infantil ilustrado, de gran tradición e prestixio noutros países europeos, era inexistente en Galicia. Kalandraka apostou decididamente por ese formato para ofrecerlles aos lectores uns libros diferentes, atractivos e enriquecedores. Xurdiron entón as primeiras adaptacións de contos tradicionais, iniciouse ao mesmo tempo unha liña de recuperación dos clásicos da literatura infantil de todos os tempos, e empezaron a publicarse obras de nova creación para promocionar o traballo da canteira de autores e ilustradores emerxentes. Nacían os Libros para Soñar.

Dende o primeiro momento, a animación á lectura foi outro dos piares básicos de Kalandraka, ante a certeza de que os libros son o alimento da imaxinación e contribúen a espertar nos nenos a curiosidade e o enxeño, a educalos a nivel afectivo, estético e visual. Así, as sesións de contos e música de Kalandraka percorren escolas, bibliotecas e librarías, transportando e transmitindo a maxia que posúen os libros.

O público, a crítica e as institucións tiveron unha receptividade satisfactoria cara á produción editorial de Kalandraka, premiando algunhas obras que hoxe en día ocupan un lugar destacado no catálogo: “O coelliño branco” (1º Premio Nacional de Ilustración 1999), “Onde perdeu Lúa a risa?” (1º Premio Nacional de Ilustración 2001), “Avós” (Premio Llibreter 2003), “A verdadeira historia de Carapuchiña” (Premio Daniel Gil de Deseño Editorial 2005), “O león Kandinga” (Premio Fundación CJ de Cultura de Corea 2009), “Dióxenes” (3º Premio Nacional de Edición Infantil-Xuvenil 2010), “Miguel Hernández: 25 poemas ilustrados” (3º Premio Nacional de Edición en Arte 2010). Diversos libros foron incluidos tamén en acreditadas seleccións, como a Lista de Honra da Organización Internacional do Libro Infantil e Xuvenil (IBBY), The White Ravens da Biblioteca Internacional da Mocidade de Munich, Os Mellores Libros para Nenos do Banco do Libro de Venezuela, Os Máis da Fundación Germán Sánchez Ruipérez, ou os Planos Nacionais de Lectura de Portugal, México, Chile  ou Arxentina.

Outra faceta destacada é a proxección internacional de Kalandraka, a través da tradución de libros a outras linguas (inglés, francés, alemán, coreano, xaponés, chinés), a participación nas feiras máis destacadas do sector (Boloña, Frankfurt, Nova York, Bos Aires, Guadalajara-México), e a implantación de Kalandraka en Portugal, Italia, México e Brasil. Co tempo, Kalandraka consolidou o seu carácter plurilingüe: edítanse libros en galego, castelán, catalán (en co-edición con Hipòtesi), eúscaro (en co-edición con Pamiela), portugués, italiano e inglés."

APRENDE A BUSCAR NA REDE

Interesantísima presentación para aprender a buscar na rede dun xeito máis eficaz:

NOVOS GADGETS NA CURICUXA

Engadimos dous novos gadgets no noso blogue:

• Speakaboos: é unha páxina adicada a contos, cancións, xogos, videos,... en inglés para nenos e nenas. Podédela topar na marxe esquerda  do blogue.
• Prueba Documental: é unha páxina que recolle documentais sobre temas diversos (ecoloxía, ciencia, desastres naturais,...). Podédela topar na marxe dereita do blogue.  
• Documentales a la carta de rtve.es: nesta páxina tamén podedes topar moitos documentais.

Agardo que vos gusten.

Much Better Now. Extraordinario corto de animación.

Un gran corto de animación no que vivimos a maxia da lectura.

LA PELUCA DE LUCA

Vale a pena pensar un pouco acerca de ata onde facemos o que queremos ou o que se espera que fagamos. A necesidade de vivir en sociedade, de socializarnos non debera supoñer o sometemento a unhas normas que atenten ao ser do individuo.

CANCIÓN ADICADA ÁS NOSAS AMIGAS AS ÁRBORES

COMO SE FAN OS LIBROS?

Interesante documental acerca de como se fan os libros e cómo interveñen as máquinas na súa fabricación:

DIA DA PAZ NO COLE

Este ano para celebrar o Día da Paz levamos a cabo unha serie de actividades sobre os Premios Nobel da Paz e sobre o  porque deste día, empregando técnicas de traballo cooperativo. Non so buscamos aprender nomes ou datas senón tamén por en práctica un modo de aprendizaxe no que a colaboración, o traballo en equipo e a búsqueda de información empregando os medios dixitais e informáticos fosen os elementos fundamentais.
O día da paz reunímonos todos no ximnasio, manifestamos as nosas propostas de paz e xuntos cantamos unha canción.
Outra das actividades consistiu na creación da nosa árbore dos desexos, agardamos que vos guste:

FINA CASALDERREY NA REAL ACADEMIA GALEGA

FINA CASALDERREY NA RAG

A escritora FINA CASALDERREY autora de obras de Literatura Infantil e Xuvenil como Nolo e os Ladróns de Leña que moito do noso alumnado coñece por figurar entre os títulos incluídos no itinerario lector como "Ás de mosca para Anxo" ou  "O misterio dos fillos de lúa", obras todas elas maravillosas non so polo seu xeito de escribir senon pola temática e o achegamento dende a tenrura a situacións dramáticas pero reais.

Visitou a nosa escola e disfrutamos da súa proximidade e cómo nos contaba anécdotas da súa infancia. Cando rematou a charla moitos nenos e nenas querían facerlle preguntas ou pedirlle que lles dedicase o libro e atendeu a todos cun enorme cariño. 

Con ela a RAG gaña a unha gran escritora e tamén a unha  extraordinaria persoa e supón un recoñecemento á chamada literatura infantil e xuvenil.

DIA DA PAZ

O DIA DA PAZ.

        O "Día Escolar da Non-violencia e a Paz" , fundado en 1964 e conocido tamén  como Día Mundial ou Internacional da Non-Violencia e a Paz, celébrase o 30 de xaneiro e é unha iniciativa pioneira, non estatal, non gubernamental, non oficial, independiente, libre e voluntaria de Educación Non violenta e pacificadora.

Celébrase con motivo do aniversario da morte de Mahatma Gandhi, o home da "alma grande", que coa súa loita pacífica conseguiu a independencia da India, o seu país natal.

          Neste día deféndese e promóvese o amor universal, a non-violencia, a tolerancia, o respecto polos Dereitos Humanos a solidariedade e a Paz

¿Que é a PAZ?

Según o dicionario: Estado de tranquilidade e sosiego non turbado por molestias, traballos, etc./Tranquilidade pública e especialmente, nas familias, calma e boa correspondencia  duns con outros, en contraposición ás riñas ou pleitos / Estado de nación que non está en guerra con ningunha outra. Convenio para dar fin ás hostilidades entre dous ou máis nacions: "asinar a paz".

E para tí que é a paz...

Uns contos para a paz, os CONTOS SOLIDARIOS de Anxo Moure.

Escoita e le a historia de Wangari e das súas árbores da paz:

Na nosa biblio temos moitos libros que dun xeito ou doutro tratan este tema. Esta é unha pequena selección:

Unhas cancións para a PAZ:

Música pola Paz - Un Mundo Pequeno - Playing for a Change -  Song arround the world
Stand by me

La tierra del olvido

One Love

Tamén temos cancións en galego que nos fan reflexionar sobre o que nos pode facer sentir en paz: