8M: MOITO QUE CELEBRAR, MOITO QUE REIVINDICAR

Nesta semana, o día 8 de marzo celebraremos o "Día internacional da muller traballadora". Curicuxa estivo buscando información para compartila con vós. Quere que saibades e entendades por que é tan importante non esquecer esta celebración, e seguir dando pasos pola igualdade entre mulleres e homes, nenas e nenos.

 Sabedes por que se celebra o "Día internacional da muller traballadora" nesta data??? Pois mirade este 

vídeo. 

  

 Curicuxa convídavos a ver este vídeo e reflexionar. Que pensades?

 

Este vídeo dá moito que pensar. Curicuxa ten a esperanza de que nenas e nenos formedes un gran equipo para construír un mundo mellor e máis xusto no futuro.  CONTOS E LIBROS PARA O 8M YO, VOY CONMIGO DANIELA PIRATA EL PRÍNCIPE CENICIENTO

UN ENTROIDO MOI MUSICAL

As nenas, nenos e profesorado do cole celebramos o Entroido con moitas ganas. Primeiro, lemos unhas coplas nas que lle pedimos á nosa mascota Curicuxa que, coa axuda da súa máquina destrutora, puidera facer desaparecer do mundo: o maltrato animal, o racismo, o machismo, a violencia, o egoismo, as guerras ... Aínda que somos nenas e nenos e cremos na maxia da nosa mascota,  sabemos que é moi difícil que a máquina de Curicuxa poida desfacerse de todo iso, pero esforzarémonos por convertirnos en boas persoas no futuro, e quizais poidamos mudar as cousas... Ogallá!!!

E, para rematar, fixemos un baile moi divertido (co fantástico coreógrafo, Chito) para espallar a nosa ledicia ata máis aló da vila de Ponte Caldelas.     

Dia da Paz 2022 no Cordo Boullosa!!!

No Cordo celebramos este ano a Paz , formando unha pomba da paz e a palabra paz xigantes!

E tamén lemos un manifesto sobre a Paz e bailamos para celebrar este día tan importante!

O ENTROIDO XA ESTÁ AQUÍ

 

CHEGA O BAILE DE ENTROIDO!!

 Neste Entroido temos moitas ganas de bailar.  Curicuxa contactou cun gran profesional, Chito,  que nos gravou unha "master class" para que movamos o corpo este venres de Entroido.

Así que, nenas e nenos, poñédevos a practicar esta fantástica coreografía.

BAILANDO COA NOSA ROSALÍA

Nesta semana celebramos o día de Rosalía.

As nenas e nenos fixeron diferentes actividades no cole, e para amosarllas ao pobo, pasarémolas en video na pantalla da praza de España. Agardamos que vos gusten.

23 de febreiro DÍA DE ROSALÍA DE CASTRO

NO DIA DA NENA NA CIENCIA CURICUXA CIENTÍFICA PRESENTA:

 

 Aquí está o vídeo de Nandini.

   

 Neste vídeo coñeceredes a Saleta

 

E aquí está Lucía, a científica máis nova.

 

11 FEBREIRO: DÍA INTERNACIONAL DA MULLER E A NENA NA CIENCIA

A ONU no ano 2015 declarou o 11 de febreiro coma o "Día internacional da muller e a nena na ciencia". 

 Os principios que se defenden neste día serían: 

•  As mulleres e as nenas desempeñan un papel fundamental na ciencia e na tecnoloxía, e a súa participación debe fortalecerse. 

 

•  É necesario seguir visualizando e difundindo o traballo das científicas e fomentar a vocación investigadora das nenas. 

 

• Hai que seguir poñendo en valor o traballo das mulleres científicas, mostrándoas como referentes para as novas xeracións de mozas. 

 

• É preciso lograr o acceso e a participación plena e equitativa na ciencia para as mulleres e as nenas, acadando a igualdade de xénero e o empoderamento das mulleres e as nenas neste ámbito.

 

• Hai que manter a loita contra os prexuízos e os estereotipos de xénero na ciencia e a tecnoloxía que condicionan e limitan os estudos das nenas. 

 

• Débese seguir avanzando na incorporación efectiva dos criterios de igualdade de oportunidades entre mulleres e homes no sistema galego de ciencia, tecnoloxía e innovación para conseguir un verdadeiro cambio de paradigma no mundo científico.                              (Unidade da Muller e Ciencia da Xunta de Galicia) 

PREPARÁNDONOS PARA A PAZ

Ola amigxs!

Aquí estou de novo, esta vez é para lembrarvos que o vindeiro 30 de xaneiro conmemórase o Día da Paz. Xa sabedes que no noso colexio tentamos celebrala tódolos días, respectándonos, desenvolvendo empatía e tolerancia e coidándonos moito entre todxs. 

Como hai algunhas nenas e nenos que nestes días tedes que estar nas vosas casas e non podedes vir ao cole, queremos abrir esta xanela e dende aquí compartir con vós a canción e a coreografía que estamos preparando para celebrar a Paz. 

Aquí vos deixo o vídeo. Agardo que vos guste e o pasedes xenial ensaiando. Ánimo!!

DECORACIÓN DE BIBLIOTECAS DE AULA

 Seguimos traballando e realizando actividades baseadas no PDI deste curso: Curinventos e outros experimentos.

Nestas imaxes queremos compartir con vós o resultado da decoración das nosas bibliotecas de aula. Esperamos que vos gusten!

E aquí tedes como quedou a entrada da Biblioteca do cole.

 Xenial!!! 👀👏👏

No Cordo hai moitas e moitos artistas, non vos parece? 

DECORACIÓN DE NADAL NOS CORREDORES