Este curso a nosa mascota Curicuxa púxose en contacto con Pegañoso, a mascota do cole da Reigosa, para que poideramos coñecernos e traballar xunt@s, nenas, nenos e profesorado dos dous colexios, e celebrar o Día das Letras Galegas.
Así foi como nos propuxo que, entre os equipos de Biblioteca e Dinamización, xunto coa colaboración do resto do profesorado e alumnado, prepararamos uns vídeos sobre o autor, Florencio Delgado, para compartir esta conmemoración.
Do mesmo xeito, Pegañoso fixo a mesma proposta no cole da Reigosa, e pronto recibiremos os seus vídeos para poder traballar a vida e a obra do autor, a través de concursos, xogos, cancións e bailes... e quen sabe se haberá máis sorpresas!!
Agardamos que para o vindeiro ano poidamos facelo dun xeito persoal, sen pantallas polo medio, e poidamos compartir experiencias e xogos nunha fantástica xornada de convivencia.
De momento, aquí vos deixamos os vídeos que elaboramos. Agardamos que no CEIP de A Reigosa o pasen tan ben como o pasamos nós facéndoos.
Non volos perdades!
Para celebrar o Día das Letras Galegas a nosa mascota Curicuxa estivo buscando pola rede actividades divertidas para que as nenas e nenos do Cordo poidades coñecer moi ben ao autor homenaxeado este ano: Florencio Delgado Gurriarán.
Se fas clic na imaxe atoparás unha manchea de atividades da páxina de Seminario Galán.
Hai actividades para facer en liña e outras en papel. Botádelle unha ollada!
Neste trimestre parte do alumnado do colexio recibiu a visita de autores das obras que estiveron lendo.
Aquí vos deixamos mostra dos momentos tan divertidos e interesantes que viviu o noso alumnado con Ramón Caride, O Hematocrítico, Ledicia Costas e Antonio Manuel Fraga..
Ola, nenas , nenos e familias!!!
Este ano, o día 2 de maio, o noso colexio cumple 50 anos!!! Querémosvos contar que estamos preparando moitas actividades para celebralo.
Estamos moi emocionadas e emocionados, e gustaríanos compartilo con toda a comunidade educativa, xa que por aquí pasaron moitas persoas: nais, pais, e mesmo avoas e avós do alumnado que temos hoxe en día.
A infancia é unha etapa da vida na que albergamos moitas lembranzas, e de seguro que o cole forma parte de bos recordos do exalumnado que pasou por estas aulas, brincou nos patios, encheu os corredores de risas e deixou unha fonda pegada no profesorado.
E non hai un aniversario sen canción, así que aquí vos deixamos a nosa (con baile incluído) para que practiquedes, e poidamos bailar todxs xuntxs.
Animádevos a bailar e cantar!!
No Cordo Boullosa
imos celebrar
o seu aniversario
50 anos xa (3 veces)
no Cordo Boullosa
imos celebrar.
Todos xuntos (4 veces)
hoxe todos celebramos
e estamos todos contentos
pois cumples (2 palmadas)
50 anos,
e estamos todos contentos
pois cumples (2 palmadas)
50 anos.
A torta de fresa
que boa que está
tódolos rapaces
ímoscha agasallar (3 veces)
a torta de fresa
que boa que está.
Todos xuntos (4 veces)
hoxe todos celebramos
e estamos todos contentos
pois cumples (2 palmadas)
50 anos,
e estamos todos contentos
pois cumples (2 palmadas)
50 anos.
Temos no cole unha actividade chamada "padriños lectores" na que as nenas e nenos "maiores" agasallan aos máis pequenos con lecturas de contos, poemas, e outros textos. Son momentos nos que comparten o gusto pola lectura, e contaxian o seu entusiasmo polo marabilloso mundo dos libros,
Aproveitando que tivemos unha semana adicada á nosa autora, Rosalía de Castro, o alumnado de 3º a 6º de Primaria recitaron versos da poeta, facendo as delicias dxs máis pequenxs.
Aquí vos deixamos algunha foto.
No mes de marzo temos varias celebracións no cole, a primeira é o 8M no que celebramos o Día da Muller. Este ano adicámolo ás MULLERES CIENTÍFICAS, e convidamos ao colexio a tres mulleres da contorna, Lucía, Saleta e Ana.
Tamén tivemos a visita da teacher Mary, que nos fixo pasar uns momentos moi divertidos co seu conto de piratas.
Celebramos tamén a Semana da Prensa, elaborando unha portada por curso adicada a mulleres científicas, de distintos ámbitos da ciencia: biólogas, astrónomas, químicas, matemáticas, etc. Co resultado elaboramos un mural no corredor, que quedou así de ben!
