PADRIÑOS LECTORES NO PRIMEIRO TRIMESTRE

 Ao longo deste primeiro trimestre que está a piques de rematar, foron moitos os pequechos que recibiron a visita das súas madriñas e padriños lectores para pasar un bo rato ao redor de gran variedade de contos segundo as conmemoracións de cada mes, aquí tedes un pequeno resumo!!!

ASÍ CELEBRAMOS O 25N

A CIENCIA CHEGOU PARA QUEDARSE

 O mes de novembro foi o mes da Ciencia, aquí tedes a mostra dalgunhas actividades que fixemos nas nosas aulas.  As nenas e nenos do Cordo encántalles investigar, pescudar, experimentar e descubrir, de xeito que, ainda que se lle adique un mes á Ciencia, nós somos científicxs todo o curso. Ademais, este ano estamos inmersxs no mundo do cine e fixemos uns descubrimentos que nos deixaron abraiadxs.

Agardamos que vos gusten.

ASÍ LOCEN AS NOSAS BIBLIOTECAS DE AULA

 O dia 24 de outubro celebrábase o Día das Bibliotecas, e nós para conmemorar esta data decidímos darlle unha volta ás nosas bibliotecas de aula e relacionalas coa temática do PDI deste ano "Un cole de película" Así de curiosas, fermosas e xeitosas quedaron, que vos parecen???

25N DÍA CONTRA A VIOLENCIA DE XÉNERO: O BO TRATO ESTÁ NAS NOSAS MANS

O vindeiro 25N celebraremos do Día contra a Violencia de Xénero, no que desenvolveremos diferentes actividades. As nenas e nenos do 3º Ciclo contaránlle o conto de "Pepuka e o monstro que levou o seu sorriso" ao resto do alumnado, en cada clase traballaranse ademais outros títulos, que xirarán arredor da igualdade, o respecto e o bo trato. Ao longo da mañá, soarán distintos temas musicais, entre eles "A porta violeta" de Rozalén, que xa é un himno en contra do maltrato. Deixaremos un fermoso mural de mans violetas nas paredes da casiña do patio de infantil, co lema deste ano: "O bo trato está nas nosas mans". 

E non debemos esquecer que a mellor vacina contra a violencia de xénero é a educación. 

 

RECOMENDACIÓNS LECTORAS PARA COMBATER A VIOLENCIA DE XÉNERO

 

 

 

 

Aquí tedes a canción "La puerta violeta" de Rozalén. 

"A porta violeta" en versión galego.

O conto de "Peúgo, o calcetín melenudo".

Un interesante vídeo, que nos fai ver que o maltrato e a violencia de xénero non son condutas que poidamos normalizar.  

Neste outro vídeo podedes ver un experimento que se fixo con nenas e nenos sobre este tema.

20N: DÍA INTERNACIONAL DA INFANCIA

 

 

O 20 de novembro celebramos o Día Internacional da Infancia. Esta data lémbranos que debemos seguir loitando porque tódalas nenas e nenos poidades medrar gozando dos vosos dereitos. 

Para coñecer a orixe desta conmemoración, e tamén para saber cales son os dereitos da infancia, non deixedes de ver estes vídeos.

 

 

MES DA CIENCIA EN GALEGO NAS BIBLIOTECAS ESCOLARES

Neste mes celebramos O MES DA CIENCIA EN GALEGO NAS BIBLIOTECAS, e dende a Biblioteca do Cordo queremos compartir con vós unha chea de actividades, recursos e materiais que promoven achegarnos ao mundo científico dun xeito lúdico e divertido. 

O manifesto para este ano 2022, baixo o título "O deber de coñecer e transmitir a nosa historia científica" abrirá moitas rutas de traballo e investigación coas que poder berrar "Terra á vista" desde as nosas bibliotecas escolares.

Aquí tedes actividades que se desenvolverán na Biblioteca Pública de Pontevedra. Animádevos a ir coas vosas familias!

E non podían faltar estas interesantes lecturas para que vos mergulledes no mundo da CIENCIA. Ide a Biblioteca e buscade os títulos que máis vos gusten. 

O SAMAÍN... XA ESTÁ AQUÍ!!

Uiiii, que medo!!! Chegou "Curibruxa" anunciando o SAMAÍN... e convidounos a unha festa de medoooo!!! Tedes xa os disfraces preparados? Seguro que si, e se non vos gusta disfrazarvos, non pasa nada... o importante é divertirse terrorificamente!!

Como este ano somos "Un cole de película", Curicuxa estivo á procura de curtametraxes de medo, para compartilos con vós. Aquí tedes as súas aterradoras recomendacións....

🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃

INFANTIL

TRICK OR TREAT 1956 (7:55)
MICKY MOUSE-THE HAUNTED HOUSE 1929(6:40) 

SILLY SIMPHONIES – THE SKELETON DANCE 5.31)
EL DISFRAZ DE HALLOWEEN DE CAILLOU (7:07)

PRIMER CICLO

CALAVERITA – ONIRIK Studio  (7:00) 

A BRUXA(10:50)

CARABUÑAS(11:42)
CORRE CORRE CABACIÑA (10:54)

SEGUNDO CICLO

A BRUXA REGAÑADENTES (10:48)
LA LEYENDA DEL ESPANTAPÁJAROS10:12)

VINCENT (1982) TIM BURTON ESPAÑOL(5:10)

TERCER CICLO

ALMA-Cortometraje animación(5:30)
LA NORIA-Award Winning CG Animation Horror Short Film (11:11)
WAITING-An animated short(14:47)

 🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃🎃

24 de outubro: DÍA DAS BIBLIOTECAS

 Para celebrar o Día das Bibliotecas, a nosa mascota, Curicuxa, quere presentarnos a catro escritoras moi importantes na literatura Infantil e Xuvenil, cuxas creacións foron levadas ao cine.

Animádevos a ir á Biblioteca coas vosas titoras e titores para buscar as obras das que vos fala Curicuxa nesta presentación. E tamén vos invitamos a que vexades as películas coas vosas familias. 

Feliz Día das Bibliotecas

NO COLE CELEBRAMOS O DÍA DAS ESCRITORAS

 

 

O Día das Escritoras é unha iniciativa promovida pola Biblioteca Nacional de España en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

 

Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A VII Edición celébrase este ano 2022  o 17 de outubro baixo o lema “Antes, durante e despois das guerras”, comisariada pola escritora Carmen Domingo . “Un ano máis – avanza Ana Santos Aramburo, directora da BNE – recuperamos a palabra de mulleres escritoras que nos seus textos reflicten sentimentos, procuras e loitas. Mulleres valentes cuxa obra, en moitas ocasións, foi ignorada. Rescatar hoxe a súa voz é un acto de xustiza e recoñecemento cara a todas elas”. O lema deste ano, destaca, “é unha homenaxe ao papel fundamental que cumpriron en situacións de conflito bélico e axuda a reflexionar e contemplar con outros ollos unha situación de sufrimento, pero tamén de xenerosidade e compromiso”.

 

"Houbo unha vez unha guerra.

       Despois da guerra, quedamos sen casa.

       -Non importa -dixo miña nai-. Temos un coche.

       Fomos vivir ao coche.

       Desde entón, vivir era viaxar." 

 

Paula Carballeira. O principio. (Kalandraka, 2012) 

Para conmemorar un día tan  importante coma hoxe,  elaboramos este cartel onde aparecen algunhas das escritoras máis recoñecidas dentro da literatura infantil e xuvenil.

 

 

COMEZAMOS O CURSO 2022-2023

BENVIDAS E BENVIDOS AO NOVO CURSO 2022-2023!!

 

 

 

Este ano imos ter un curso "de película"!!

Se queredes ver o primeiro día de cole, premede na miña imaxe.

A SEMANA DO LIBRO: AS FAMILIAS CONTAN

Para celebrar a Semana do Libro convidamos ás familias a que fixeran de "contacontos" por un día. Sempre é unha experiencia moi fermosa ver como se involucran na educación das súas crianzas,  e as caras de felicidade son mostra do ben que o pasaron, pequenxs e grandes. 

Grazas, familias!!